力量動物

尋找力量動物

早輪去參與左一個薩滿旅程,去搵自己既力量動物。

薩滿療癒師要我地問兩條問題,第一條係問,你係唔係我既力量動物?第二條係問,我要點樣,先可以令到世界更美好?

聽住鼓聲去左一個世界,走上長長既石級,有大鳥夾住我對手飛上去。。。我以為係鷹,望清楚原來係一隻好大既啡色貓頭鷹。我問佢係咪我既力量動物,佢無答。放低左我之後,我跑過森林,跳落瀑布,游過水底,穿過向下既石洞,到下游既時候又見到佢,再問佢係咪我既力量動物,仍然無答我。

再跑過森林,見到一隻白鹿,但佢走左去。然後發現貓頭鷹變細左,企左響我左邊膊頭。我問佢,就係你啦,係唔係?夜晚既湖上,睇到天上既星,我同貓頭鷹響湖上面飄過,佢帶我去到森林之中,一個好似彎曲手指既石崖,同我講左三次,我要打開自己既心。對於第二條問題,貓頭鷹帶我飛向一個好大既太陽,當時佢答。。。

你存在就會令世界美好。

我喊左好耐。

我想說...